Política -
Expetxe-politika
Gernikako Akordioak ETAko presoen aurkako 'xantaia' amaitzea eskatu du
Espetxe-politikan "aldaketak" eskatzen dituzte, "baldintzarik gabeko" neurriak ezarri eta "amnistiaren bidean lehen pausoa emateko".
Erredakzioa
Gernikako Akordioa EPPKren (Euskal Preso Politikoen Kolektiboa) kontrako "xantaia" politikoan "tresna gisa" erabiltzea leporatu die Espetxeetako Erakundeei. Jarrera horrekin ETAko presoak "zatitu eta ahuldu" nahi dituztela gaineratu dute Gernikako Akordioaren sinatzaileek.
Hori dela eta, "espetxeetako politikan aldaketak egitea" eskatu dute, neurri berriak ezarriz, "exijentziarik, baldintzarik eta kontrapartidarik gabe", "amnistiaren bidean lehen pausoa emateko". Salaketa horiek Bilbon emandako prentsaurrekoan egin dituzte Ainhoa Etxaide LABeko idazkari nagusiak, Oskar Matute Alternatibako bozeramaileak eta Maider Carrere Gazte Abertzaleaken idazkari nagusiak.
EPPKrekin harremanak
Prentsaurreko horretan esandakoaren arabera, otsailean eta martxoan Gernikako Akordioko sinatzaileek EPPKrekin "ezohiko komunikazioa" izateko eskaera egin zien Espetxeetako Erakundeei. Izan ere, EPPK-k Gernikako Akordioarekin harremanak izatea eskatu zuen "Euskal Herrian abian jarritako prozesuan parte hartzeko".
Hori dela eta, ETAko presoen kolektiboaren ordezkariei zuzendu zaizkie, baina ezin izan dute erantzunik jaso. Etxaidek euskaraz eta Matutek gaztelaniaz irakurritako dokumentuan esaten dutenez, "EPPKren parte-hartzea ezinbestekoa da gatazka konpontzeko, gatazkak eragin baitu beraiek preso egotea".