Emakume baten ustezko hiltzailea atxilotu dute Bartzelonan

Esquadra Mossoek gizonezko bat atxilotu dute, duela bi egun Vilanova i la Geltrun (Bartzelonan) hilda aurkitu zuten 37 urteko emakumearen heriotzarekin zerikusia duelakoan. Dirudienez, harremana zuten.

Kataluniako poliziak jakinarazi duenez, 32 urteko gizonezkoa (Marokokoa) ustezko hilketagatik atxilotu dute gauean. Vilanova i la Geltrun (Bartzelonan) bizi ziren hildakoa eta ustezko hiltzailea.

Emakumearen heriotzaren inguruabarra aztertzen ari dira eta hipotesi guztiak irekita daude, baina biolentzia matxista kasu bat izan daitekeela uste dute.

Biktimak eta atxilotuak zuten erlazioa aztertzen ari da polizia eta dirudienez, harreman sentimental bat zuten. Atxilotuari zein hildakoaren senideen galdeketa funtsezkoa izango da kasua argitzeko.

Igande goizean aurkitu zuten emakumearen gorpua, Vilanova i la Geltrúko (Bartzelona) Cubelles etorbidean.

Emakumeen aurkako indarkeria kasu bat dela konfirmatzen bada, aurten Katalunian bikote edo bikote ohiaren eskutan hiltzen den laugarren emakumea litzateke.