Mutil-laguna beste emakume batekin harrapatu du, Google Street View-n

Emakume errusiar batek bikotekidearen desleialtasunaz ohartu da Yandex Panorama programaren bitartez. Yandex Google Street View-ren bertsio errusiarra da.

Marina Voinova 24 urteko emakumea Yandex erabiltzen ari zen eraikin jakin baten bila, eta eraikinaren kaletik nabigatzen zihoala, ezaguna egiten zitzaion gizonezkoa ikusi zuen.

Irudia handitu eta zur eta lur geratu zen: gizonezkoa bere bikotekidea zen, Alexander, beste neska bat besoetan zuela; bere bikotekide ohia, alegia.

Gizona etxera bueltatu zenean, Marinak Yandexen ikusitako irudia erakutsi zion, eta Alexanderrek ezin izan zuen ezer azalpenik asmatu: desleialtasuna onartu zuen eta Marinak harremana hautsi zuen.

Ez da horrelako gertakizunik jazotzen den lehen aldia. 2009an, emakume batek senarraren autoa bere lagun onenaren etxearen aurrean aparkatuta ikusi zuen Google Street View-ren bitartez, eta bien arteko ezkutuko harremanaz jabetu zen.