Bitxikeriak -
Talentu berria
Susan Boyleren ondorengoa azaldu da Taiwanen
Lin Yu Chun talentu lehiaketa batetik atera den fenomeno berria da. Gazteak arrakasta lortu du Interneten Whitney Houstonen "I'll always love you" abestiarekin. Ikusi bideoa.
Erredakzioa
"Super Star Avenue" Taiwaneko "American Idol" saioaren bertsioak talentu berri bat topatu du. Lin Yu Chun gazteak aho zabalik utzi zituen ikusleak eta epaimahaikideak Whitney Houstonen "I''ll always love you" abestu zuenean.
Hala ere, abesti horrez gain Chunek beste hainbat kantu interpretatu ditu eta horietan ere bere talentua agerian utzi du. Horrela, Youtube abeslari gazte honen erakuslehio aparta da eta bertan Bizkarzaina pelikulako soinu bandaz gain, beste saio batzuk ikusi daitezke.
Iaz, Susan Boylek erakutsi zuen "neskazahar" etxekoandre batek ere musikarako talentua izan dezakeela. Orain, musikaren klasiko handiei beldurrik ez dien gazte batek jaso du lekukoa.