Bitxikeriak -
20 urteren ostean
Ke$ha abeslaria, Simpsonstarrak telesaileko hasierako abestian
Artista estatubatuarraren "Tik tok" abestiak azken ataleko lehen minutuak bete ditu eta ohiko hasiera aldatu du. Ikusi bideoa.
Erredakzioa
Aldentzen diren hodei batzuk, horien artetik ateratzen diren hizki batzuk eta alde batetik bestera korrika dabilen sendi hori bat, horrela hasi da azken 20 urteetan The Simpsons telesail ospetsua. Orain, Ke$ha abeslari estatubatuarrak Springfieldeko biztanle denek "Tik tok" abesti ospetsua dantzatzea lortu du.
Musikako artista ospetsuenek ere ez dute horrelakorik lortu. Ke$hak The Simpsons telesaileko tradizioa hautsi du zerrenda guztietan lehen postua lortu duen kantuarekin.
Horrela, Matt Groenningen saioan ospetsuak pertsonaia bezala istorioan sartzen dituzte gidoilariek normalean. Ke$hak, berriz, hasierako abestia aldatzea lortu du. Azken atalean Lisak ez du saxofoia jotzen, Bartek ez ditu Springfieldeko kaleak patin batekin jaisten eta Maggiek eta Margek ez dute Homer ia harrapatu arte gidatzen. Ameriketako Estatu Batuetan eskainitako azken atalaren hasieran telesaileko pertsonaia guztiek Ke$haren abestiarekin dantzatu dute.