Bitxikeriak -
Udako irudia
Aitor Ocio, Cristiano Ronaldoren lehiakide 'indartsua'
Athleticeko atzelariak, Ana Obregonek bezala, udako irudia eskaini du Isla Canelako hondartzan. CR9k lehiakide berria du.
A.A.
Eguneko irudietako bat da eta merezi du. Aitor Ociok soina erakutsi du Athleticek Isla Canelan (Huelva) egin duen kontzentrazioan. Atzelari txurigorriak ez du huts egin eta irudiek erakutsi dutenaren arabera, Cristiano Ronaldok, munduko futbolari ezagunenetako batek, lehiakide indartsua duela baieztatu dut.
Ana Obregonek urtero eman ohi duen udako irudia bezain garrantzitsua bihurtu da futbolariarena. Gaur, komunikabideek Aitor Ocio gihartsuaren argazkia erakutsi dute. Izan ere, jokalaria bere taldearekin bilduta dago denboraldi berria prestatzeko. Une horretan, hondartzan zeuden askok datorren azaroan 34 urte beteko dituen kirolariarekin argazkia ateratzeko aprobetxatu zuten eta futbolariaren gorputz indartsua euren begiekin ikusteko aukera izan zuten.
Cristiano Ronaldo, Aitor Ocio, Sergio Ramos, Diego Forlan, David Beckham... futbolari ugarik dute "gorputz ikusgarria", baina zein duzu zuk gustukoen?