Bitxikeriak -
Paulen arrakastaren ostean
Olagarroa maskota izan daiteke, Indian
Hegoafrikako munduko txapelketaren ostean, etxe-aberea izateko olagarroen eskariak gora egin du herrialde asiarrean.
Erredakzioa
Paul olagarroak munduko txapelketan egin zituen aurrikuspen arrakastatsuek berehalako eragin izan dute Indian. Izan ere, herrialde asiarrean zefalopodoak etxe-abere bezala izateko eskariek gora egin dute eta etorkizuna igartzeko ere erabili nahi dituzte animaliak.
"Jendea erotuta dago animalia hauekin", esan du Kaushik Saha Unique Pet Shop dendako arduradunetako batek.
Sahak esan duenez, "munduko txapelketan Paul ezagutu arte animalia horiei buruz gutxi jakin arren", bezero askok zefalopodoak dituen beharrak ezagutu ostean jotzen du dendara.
Nueva Delhiko denda, hain zuzen ere, itsasotik 1.000 kilometrora dago eta uda nahiko beroa du, baina Sahak egunean batez-beste 8 eskakizun jasotzen ditu. Hala ere, herrialde osoko dendatan sortu den joera bat dela argitu du.