'Mini' 'Cari' eta 'Tripita'ri gailendu zaie XIV barraskilo rallyan

Logroñoko Lauro Agudo 12 urteko neskatilaren "Mini" barraskiloak 2009an lortutako garaipena errepikatu du Trizioko barraskilo rallyan. Lehiaketak 24 urte bete ditu aurten.

"Mini" barraskiloak 142 milimetrotan eraman du 230 gramotako piper potea, bere pisua 60 aldiz. Antolatzaileek barraskilo bakoitzaren oskolera soka batez itsatsi dituzte piper poteak.

Bi hamarkada baino gehiago igaro dira bizkaitar igeltsero batek lasterketa hau sortu zuenetik. Pedro Julian Alegria antolatzaileak azaldutakoaren arabera, bizkaitarrak barraskilo bat abarketa bati tiraka ikusi eta, haren indarraz harrituta, lasterketa bat antolatzea proposatu zuen.

Aurtengo lasterketan 62 barraskilok hartu dute parte, bost minututako bost txandatan banatuta. Helburua, piper potea ahalik eta urrien eramatea zen.

"Mini"k erakutsitako abilezia besteenaren gainetik izan da. Hala ere, Nicolas Naldaren "Cari" bigarren klasifikatuak bere potea 126 milimetrotan arrastatzea lortu du, eta hirugarren sailkatuak, Diego Ibañezen "Tripita"k berriz, 118 milimetro egin ditu.

Klima aldaketak errendimenduari kalte egiten dio

Partehartzaile guztiak probako errekorretik, 26,5 zentimetro, urruti geratu dira. Marka hori 2001 urtean ezarri zuten eta ordutik hona ez da izan 20 zentimetrotara iritsi den barraskilorik. Antolatzaileek arrazoiarekin eman dutela diote: "Klima aldaketak landareengan eragin nabarmena du eta barraskiloek landareak jaten dituzte".

Txantxak eta teoria zientifikoak alde batera utzita, barraskiloak lehian zebiltzaten bitartean, eta haien jabeek atsekabe bat baino gehiago hartzen zituzten bitartean, mila pertsona inguru barraskilo platerkadak noiz banatuko zain zeuden, izan ere, Trizioko biztanleek "barraskilo" ezizena daukate.