Bitxikeriak -
Akordioa itxi dute
Paramount zinema estudioek jolas parke bat eraikiko dute, Murtzian
Informazio gehiago "datozen hilabeteetan" eskainiko dutela besterik ez dute esan konpainiako arduradunek.
Erredakzioa
Paramount zinema estudio estatubatuarrek Murtzian jolas parke bat eraikitzeko akordioa itxi dutela adierazi dute.
Paramountek parkearen planifikazio fasean parte hartuko du eta instalazioen diseinuaz arduratuko da. Horrez gain, konpainiaren filmografiako irudiak erabiltzeko lizentzia emango dio parkeari.
Lehenbiziko aurreikuspenen arabera, jolas parkean 20.000 pertsona arituko dira lanean eta urtean 3 milioi turista erakarri ditu. Inguruetako ostalaritza establezimenduetan, berriz, 15.000 plaza berri eskatuko ditu.
Michael Bartok Paramounteko arduradunak ez du parkeari buruz gehiago azaldu nahi izan eta "datozen hilabeteetan" informazio gehiago emango dutela esan du.