Bitxikeriak -
'Erronda' egin zuten
Miami Beach-eko polizia bi kaleratu dituzte mozkortuta gidatzeagatik
Modu arraroan portatu zirenez, gau horretan ezagutu zituzten neska batzuek 'konpainia' egitera joan zirela uste izan zuten. Bikote bat motorraz harrapatu zuten gainera.
eitb.com
Miami Beach-eko polizia-zerbitzuak bi agente kaleratu ditu lan orduan parradan joateagatik. Edanda zeudela, hondartzan zegoen bikote bat motorraz harrapatu zuten gainera.
Uztailaren 2ko goizaldean gertatu zen ezbeharra. Derick Kuilan eta Rolando Gutierrez, Ocean Drive kale famatua patruilatzen ari zirenean, Clevelander hotelera sartu eta bertan geratu ziren, dantzatzen, gau horretan bertan ezagututako neska batzuekin batera.
Neskek adierazitakoaren arabera, modu arraroan portatu ziren poliziak, eta ''konpainia'' egitera joan zirela uste izan zuten.
Bertako Fiskaltzak adierazi duenez, mozkortu egin ziren, dantzara joan eta argazkiak atera zituzten neska horiekin. Gainera, hondartzara joan zen neska batekin Kulian, poliziaren motor batekin, eta bertan zegoen bikote bat harrapatu zuen. Bikotekideak larri omen daude.