Bitxikeriak -
Europako goi-bileran
Berlusconi, Danimarkako lehen ministroaren ipurdiari begira
Silvio Berlusconi Helle Thorning-Schmidten atzealdeari begira grabatu dute Europako goi-bilerako kamerek, eta irudiek zeresan handia eman dute Italian.
Erredakzioa
Silvio Berlusconiren irudi batzuek, Bruselako goi-bileran grabatutakoak, zeresan handia eman dute.
Italiako lehen ministroak Helle Thorning-Schmidt Danimarkako lehen ministroa agurtu zuen atzo Bruselako goi-bileran, burua makurtuz erreberentzia egin zion eta ondoren eskua luzatu zion.
Irudietan ikusten denez, agurraren ondoren, Danimarkako lehen ministroa bere eserlekurantz aldendu zen unean, Berlusconik burua atzera itzuli eta ipurdira begiratu zion inolako disimulurik gabe.
Bruselako goi-bileran jasotako irudi horiek Italiako hedabide askotan eman dituzte eta sekulako zeresana eman dute, batzuek bideoa Interneten eskegi dute.