23:18

burtsa

Burtsa

Espainiako burtsak azken bi urteotako jaitsierarik handiena izan du

AGENTZIAK | ERREDAKZIOA

IBEX 35 indizea 9.000 puntuko mailatik behera kokatu da % 2,77 galdu ondoren asteazkeneko saioan.

  • Madrilgo burtsaren artxiboko irudia.

    Madrilgo burtsaren artxiboko irudia. Artxiboko argazkia: EFE

  • Whatsapp
  • Whatsapp
  • telegram
  • Bidali

Espainiako burtsak % 2,77ko beherakada izan du eta 9.000 puntuko maila galdu du asteazken honetako saioan. 2017ko urriaren 4tik izan duen galerarik handiena da. Europako eta AEBko burtsa nagusiek ere behera egin dute, balizko atzeraldi ekonomikoaren eraginez.

IBEX 35 indizeak 8.912,20 puntuan itxi du saioa, eta, ondorioz, irailean berreskuratu zituen 9.000 puntuko maila galdu du.

Ameriketako Estatu Batuetan, Wall Streetek % 1,28ko beherakada izan zuen astearteko saioan, eta % 1,86ko jaitsiera izan du asteazkenean.

Europako burtsa nagusiek ere galera handiak izan dituzte: Londreskoak % 3,23ko beherakada izan du, 2016ko urtarriletik izandako jaitsiera handiena; Parisko eta Frankfurteko burtsek urteko emaitzarik okerrena izan dute, % 3,12 eta % 2,76ko beherakadarekin, hurrenez hurren; eta Milangoak % 2,87ko jaitsiera izan du.  

 

Iruzkinak

    NAHIERAN Ikusi berriro ETBko albistegiak NAHIERAN

    Bisitatuena

      Kargatzen ikusiena
      Kargatzen ikusiena