Krisi Ekonomikoa -
Lan gatazka
Itunpeko eskoletako langileek greba egun gehiago deitu dituzte
ELA, CC.OO., STEE-EILAS eta UGT sindikatuek protestei ekingo diete berriro, Kristau Eskola eta AICE patronalen "jarrera aldatu" eta "negoziatzen has daitezen".
Erredakzioa
ELA, CCOO, STEE-EILAS eta UGT sindikatuek grebak iragarri dituzte martxoaren amaierarako itunpeko eskoletan, Kristau Eskola eta AICE patronalek "jarrera aldatu" eta "negoziatzen has daitezen".
Bilbon emandako prentsaurreko batean iragarri dituzte protestak lau sindikatuetako ordezkariek.
Egin dituzten "oinarrizko" aldarrikapenak onartzeko eta "murrizketen pisu handiena" langileengan jartzeko estrategia alde batera uzteko exijitu diete patronalei. Hori horrela, EAEko lan hitzarmena bere "osotasunean" aplikatzeko eta negoziazioetara "murrizketa proposamenik gabe" joateko deia egin diete.
Era berean, Eusko Jaurlaritzari "irtenbidea bilatzeko" eskatu diote, baina "langileei kalterik egin gabe", hezkuntza sistemari eta lan baldintzen egonkortasuna emateko.
