Krisi Ekonomikoa -
Enpleguaren gaineko analisia
ELA:'Enpleguari gizatasuna kenduko dion erreforma prestatzen ari dira'
Muñozek, gainera, egoera "ona" dela esaten duen agintari politiko eta ekonomikoekin bat ez datorrela adierazi du; "datuek ez baitute hori esaten" eta "ez delako enplegua sortzen ari".
Erredakzioa
Adolfo 'Txiki' Muñoz ELA sindikatuko idazkari nagusiak ohartarazi duenez, Mariano Rajoyren Gobernua "murrizketak egiteko neurri gehiago" prestatzen ari da, baita enpleguari "gizatasuna kentzeko helburua" izango duen lan-erreforma bat ere.
Sindikatuak Bilbon duen egoitzan egindako prentsaurreko batean, Muñozek, Mikel Novak eta Iñaki Zabaleta sindikatuko kideekin batera, 2013 urtean EAEn Nafarroan enpleguak izandako eboluzioa aztertzeko txosten bat aurkeztu dute.
Muñozek egoera "ona" dela esaten duen agintari politiko eta ekonomikoekin bat ez datorrela adierazi du; "datuek ez baitute hori esaten" eta "ez delako enplegua sortzen ari".
Gobernu zentralak, "troikarekin -Europar Batzordea, NDF eta EBZ- egindako adostasunen ondorioz", murrizketak egiteko neurrietan "sakontzeko" lan-merkatuaren erreforma egingo duela salatu du, eta horrek "enpleguari gizatasuna kentzeko helburua" izango duela.
Rajoyren Gobernuak "40.000 milioi euro murriztu behar ditu 2016 baino lehen", horregatik, "aurrekontu zorrotzak" ezarriko ditu, lehendik gainerako gobernuekin "adostu" dituenak, besteak beste, Nafarroako eta EAEko Gobernuekin, baieztatu du Muñozek.
