Krisi Ekonomikoa -
Liderren Foroa
Enpresek zorrak murrizten jarraitzearen alde egin du De Guindosek
De Guindosek onartu du paradoxa dela hazkundea bultzatzeko lanean egotea zorra murrizten den bitartean, eta depresioa sortzen duela ezinbestean.
Erredakzioa
Luis de Guindos Ekonomia ministroak esan duenez, ekonomia errealak zor gutxiago izatea ahalbidetu behar da, zehazki, enpresa espainiarren kasuan, eta kredituak normaltasunez jaso beharko lituzkete.
EFE Agentziak eta KPMGk antolatutako Liderren Foroan egindako hitzaldian, onartu egin du paradoxa dela hazkundea bultzatzeko lanean egotea zorra murrizten den bitartean, eta depresioa sortzen duela ezinbestean.
De Guindosen ustean, blokeo egoera aldatzea bezain garrantzitsua enpresa espainiarrek finantzazioa erraz lortzeko aukera izatea da, eta horrela "porrot egitea" saihestea.
Gobernuaren konpromisoetako bat da, era berean, finantzazioa jasotzeko bestelako aukera batzuk ahalbidetzea. Exekutiboak finantzazio lege berri bat abiatu du horretarako, arrisku-kapitaleko finantza-erakundeen araudia moldatu du eta titulazioak eskuratzeko prozesua erraztu du, enpresek zorrak kapital bihur ditzaten.
Ekonomia ministroak nabarmendu du bankuetatik at egiten den finantzaketa; zenbat eta finantzaketa mota hori gehiago erabili, orduan eta gutxiago izango dira bankuen krisiak, "bankuen arriskuaren eta arrisku subiranoaren arteko lotura mugatzen delako".
