Krisi Ekonomikoa -
Negoziazioak
Batzar erabakigarria Bergarako Candy enpresarentzat
Goizean elkartuko dira zuzendaritza eta langileen ordezkariak, eta eguerdirako jakingo da akordiorik egin duten ala auzitara joko duten, beste egitasmorik adostu ez dutelako.
Erredakzioa
Bergarako Candy enpresan zirt edo zart egingo dute gaur. Goizean elkartuko dira zuzendaritza eta langileen ordezkariak, eta eguerdirako jakingo da akordiorik egin duten ala auzitara joko duten, Bergaran garbigailuen jarduera utzi eta bestelako egitasmorik adostu ez dutelako.
Italiako multinazionalak urrian iragarri zuen Bergarako lantegia ixtera zihoala. Ordutik, behin baino gehiagotan egon dira zuzendaritza eta sindikatuak. Aurreko astean, Candyko langileen ordezkariek bi sailetan bereizi zuten beren proposamena: batetik, urtetan aurrera doazen langileak sailkatu eta horientzako kalte-ordainak adostea; bestetik, langile gazteentzat Candy barruan bestelako industria egitasmo bat garatzea.
Candy multinazionalak Txinara eramango du Bergarako ekoizpena eta litekeena da eguerdian argitzea Bergaran beste lanen bat egingo duten ala ez.
