Ekonomia -
CCOOrekin bildu da Jaurlaritza
Elkarrizketarako mahai sozialaren beharra helarazi dio Sordok Aburtori
Enplegu sailburuak abiatutako bilera-sortaren baitan, CCOO sindikatuko ordezkariekin izan da astearte honetan Aburto. Lan arloko arazo larrienak mahai gainean jarri dizkio CCOOk Jaurlaritzari.
Erredakzioa
Juan Maria Aburto Eusko Jaurlaritzako Enplegu sailburu berria CCOO Euskadi sindikatuko ordezkariekin bildu da astearte honetan, enplegua jorratzeko gizarte eragile ezberdinekin abian jarri duen bilera-sortaren baitan.
Unai Sordo CCOO Euskadi sindikatuko idazkari orokorrak elkarrizketarako mahai soziala berriz ere abiatzeko beharra helarazi dio hitzordu horretan Aburtori. Halaber, lan arloko arazo larrienak mahai gainean jarri dizkio Jaurlaritzari.
Bi orduz batzartu dira CCOO eta Jaurlaritzako ordezkariak.
