Ekonomia -
Lan-gatazka
Bilboko portuko ordezkari sindikalak 24 orduz giltzaperatu dira
UGTk eta CCOOek 2010eko ekainetik portuetako agintariak “murrizketa sakonak” egiten ari direla salatu dute, eta horiek “ondorio oso txarrak” dituztela “geure eskubideengan”.
Erredakzioa
Bilboko eta Pasaiako UGT eta CCOO sindikatuetako ordezkariak eguerdian 24 orduz giltzaperatu dira, sektorean indarrean dagoen enpresaren hitzarmen kolektiboa eta akordioa babesteko , UGT-Euskadik jakitera eman duenez.
UGTk eta CCOOek 2010eko ekainetik portuetako agintariak "murrizketa sakonak" egiten ari direla salatu dute, eta horiek "ondorio oso txarrak" dituztela "geure eskubideengan", besteak beste, "soldatetan eta lanaldietan murrizketak, lanpostuak galtzea eta orain arte sinatutako akordioak ez betetzea".
Ordezkariek azaldu dutenez, portuko trafikoa % 7 igo da eta 200 milioi euro baino gehiagoko irabaziak izan ditu, produktibitate maila altua izateaz gain. "Portuko sektoreko langileek jasaten ari garen murrizketa-politika hau ez da onargarria", nabarmendu dute. Horregatik "geure eskubideen alde egiteko mobilizatzeko beharra dago", adierazi dute.
