Akordiora iristeko dokumentu bat helaraziko die Urkulluk alderdiei

Iñigo Urkullu lehendakaria berriro bilduko da oposizioko alderdiekin eta bilera-sorta berria egingo du aste honetan Aurrekontuen inguruan akordiora iristeko, Efe agentziak jakinarazi duenez.

Elkarrizketa hauetan agintea eraman nahi du lehendakariak; izan ere, Aurrekontuak onartzeko zailtasunak aurkitu ditu aste honetan berriro Jaurlaritzak.

Urkulluk ez du bilera hauen inguruko xehetasunik eman iturri horien arabera.

Era honetan, Ricardo Gatzagaetxebarria Ogasun eta Finantza sailburuaren lekukoa hartuko du, azken honek izan baititu oposizioko alderdiekin bilerak nahiz eta akordiorik lortu ez duen.

Ostiralean jada Urkulluk iragarri zuen oposizioarekin "gutxiengo" akordioak lortu nahi dituela eta helburu hori lortzeko lan gehiago egingo zuela.

Maiatzaren 10ean onartuko edo errefusatuko dituzte behin betiko Aurrekontuak osoko bilkuran.

Oraingoz, EH Bilduk eta PSE-EEk jada iragarri dute osoko zuzenketak aurkeztuko dituztela; izan ere Jaurlaritzak diru-sarrerak handitzea eskatzen diote.

UyDk oraindik ez du esan zer egingo duen, nahiz eta EAJk onartzea zaila dirudien baldintzen zerrenda bat aurkeztu duen.

PP da akordiora iristeko erraztasun gehien azaldu duen alderdia, EAJri eta PSE-EEri gutxiengo akordio bat lortzeko eskakizuna egin baitie; popularrak eta sozialistak abstentzioa eman eta Kontuak onartzea ahalbidetzeko.