Greba 'ez zen orokorra izan', Patxi Lopezen ustez

Patxi Lopez PSE-EEren idazkari nagusiak esan duenez, maiatzaren 30eko greba edozer gauza izan da, "orokorra baino", eta ELA eta LAB sindikatuei "langileek duten tresnarik garrantzitsuenarekin arinkeriaz jokatzea" leporatu die.

Radio Euskadin egindako elkarrizketa batean, lehendakariak "asko aldatzeko" dutela esan die aipatutako sindikatuei eta, ohartarazi dienez, beharrezkoa dena "lan kulturaren erreforma eta ahaleginek enpresan bildu behar dutela ulertzea" da.

ELAk eta LABek "orokorra ez zen izan" greba deitu zutela esan eta gero, Lopezek gogorarazi du deiak ez zuela sindikatu guztien babesa jaso.

"Krisialdia hasi zenetik deitu den zortzigarren greba da eta horrela langileek duten tresnarik garrantzitsuenarekin arinkeriaz jokatu dute", salatu du.

"Sindikatuen eginkizuna mugatzen ezerezera eramatera" helduko den lan erreforma bat dagoela kritikatu ostean, Lopezek esan du sindikatuek asko dutela esateko, baita "aldatzeko" ere.