Nafarroako Justiziako langileek greba utzi dute negoziatzen hasteko

Nafarroako Justizia Administrazioko langileek Foru Gobernuaren negoziatzeko eskaintza onartu dute. Asteartean hasi zituzten protestak, aldi baterako ezintasuna duten langileei ematen dieten diru-laguntzaren parte bat kentzeko asmoaren aurka, eta hainbat epaiketa eta tramite judizial bertan behera geratu dira horien ondorioz.

Ramon Alvare Justizia Administrazioko Langileen Batzordeko presidenteak jakinarazi duenez, guztien adostasunarekin erabaki dute greba mugagabea bertan behera uztea, Javier Morras Justizia kontseilariak egindako proposamenak aztertzeko.