Gipuzkoako ituna 'kudeaketa zuzenaren seinale' da, Garitanoren ustez

Martin Garitano Gipuzkoako ahaldun nagusiak esan duenez, EAJrekin aurrekontuetan lortutako akordioa gidatzen duen 'kudeaketa zuzenaren seinale' da.

Garitanok aurrekontuetako ituna izan du hizpide, Diputazioak Donostiako Boulevarren  'Aniztasuna' ekimenean parte hartzera zihoanean hedabideen aurrean egindako adierazpenetan.

Ahaldun nagusia pozik azaldu da akordioarekin, Gipuzkoak ekonomia sustatzeko 15 milioi euro izango baititu; horietatik sei krisialdiaren kontrako "plan" bat egiteko eta 5,5 "merkatu berriak zabaltzeko", besteak beste.

"Krisialdiari aurre egiteko eta enplegua sortzeko lehen mailako tresna daukagu eskuartean", esan du eta, gainera, "negoziazioetako batzordeen akordiorako jarrera" goraipatu du.

Ekonomia arlora bideratutako diru-partidez gain, Garitanok nabarmendu egin du Bilduk eta EAJk "herrigintzarako eta euskararen normalkuntzarako" 200.000 euro bideratzea adostu duela.

Garitanok ez du zehaztu zein ekimen bultzatuko dituzten, bai egin du, ordea, Markel Olano EAJren Batzar Nagusietako bozeramaleak. Olanoren esanetan, Gure esku dago euskal herritarren erabakitzeko eskubidea bultzatzen duen ekimenerako 100.000 euro bideratuko dituzte, 50.000 Aranzadi zientzia sozietaterako eta 57.930 euro Soziolinguistika Klusterrerako.