Ekonomia -
'Villavesen' greba
'Villavesetako' langileek greba bukatu edo ez bozkatuko dute gaur
Greba mugagabeak hogeita laugarren eguna duen honetan, langileek batzarra egingo dute gaur, eta LAB izan ezik gainerako sindikatuek eta konpainiak lortutako hitzarmena onartzen duten bozkatuko dute.
Erredakzioa
'Villavesetako' langileek hogeita laugarren greba egunari aurre egin diote gaur, azkena izan litekeen jakitun; izan ere, langileek botoa emango dute, LABek ez gainerako sindikatuek eta konpainiak urtarrilaren 6an itxi zuten akordioa onartzen ote duten erabakitzeko. Abenduaren 16an hasi zen greba honi azkena jar liezaiokeen akordioa ixteko, Iruñerriko Mankomunitateak bitartekaritza lanak egin ditu.
Iruñeko eta Iruñerriko autobus zerbitzu publikoko langileen greba mugagabean ezarritako zerbitzu minimoei dagokienez, gaur goizean inolako gertakaririk gabe eman dute zerbitzua autobusek, TCC kudeaketaz arduratzen den enpresak azaldu duenez.
"Lehen zerbitzuak eragozpenik gabe atera dira garajeetatik, eta ez da gertakizunik izan", enpresaren arabera.
