Ekonomia -
Kontsumitzaileak
EKAk epai-demandak aurkeztuko ditu Fagorren menpeko ekarpenengatik
EAEko kontsumitzaileak ordezkatzen dituen kolektiboak kooperatiba hartzekodunen konkurtsoan dagoela izan du kontuan, erabakia hartzean.
Erredakzioa
EKA-OCUVek, Euskal Herriko Kontsumitzaileen Elkarteak, Fagor Etxetresnaken menpeko ekarpenak erosi zituztenen aldeko epai-demandak aurkeztuko ditu. EAEko kontsumitzaileak ordezkatzen dituen kolektiboak kooperatiba hartzekodunen konkurtsoan dagoela izan du kontuan, erabakia hartzean.
Demandak menpeko ekarpenak "arauz kontrako era batean, iruzurrezko eran ere" merkaturatu zituzten finantzari-erakundeei zuzenduko dizkiete. EKA-OCUVen arabera, erakunde horiek ez zieten kontsumitzaileei behar besteko informazioa eman. Alde batetik, beharrezkoa zen inbertitzaile-profila ez zuten pertsonei eskaini zieten produktua; bestalde, ez zuten menpeko ekarpenen benetako ezaugarrien eta arriskuen berri eman.
Ekimen honen inguruko informazio-bilera deitu dute ostegunerako, urtarrilaren 23rako. Hiritar guztientzako egongo da zabalik.
