Ekonomia -
Fagor Etxetresnak
MCCk Edesaren jarduera babesteko manifestazioa egin dute Basaurin
Basauriko Edesa lantegiko langileek otsailaren 10a zehaztu dute sortu duten bideragarritasun plana lantzen jarraitzeko muga gisa.
Erredakzioa
Mondragon Korporazioari (MCC) Edesaren lantegiko jarduera mantentzea eskatzeko manifestazioa egin dute, Basaurin. Ehunaka pertsona bildu dira ekitaldian eta "azkartasunarekin" jokatzeko eskatu diote MCCri.
Basaurin itxitako lantegitik atera da martxa. Lantegian txandaka itxialdian jarraitzen dute langileek, azaroan ateak itxi zituenetik.
"SOS Confort" lelopean, Basauriko kaleetan zehar egin dute manifestazioa, Edesako langileek sortutako planari esker, Fagor Etxetresnaken Confort sekzioa aurrera ateratzeko aukera egongo litzatekeela aldarrikatzeko. Euren kalkuluen arabera, 20 milioi euroko finantziazioa beharko luke hasteko.
Ibilaldia hasi aurretik, langileen ordezkariek, Teresa Perezek eta Fernando Oterok, euskal erakundeek eta "Eusko Legebiltzarreko gehiengoak" lantegiaren jarduera babestu duela gogorarazi dute eta, hortaz, MCCri "lanean hasteko baimena" emateko eskatu diote.
Basauriko Edesa lantegiko langileek otsailaren 10a zehaztu dute sortu duten bideragarritasun plana lantzen jarraitzeko muga gisa.
