ELAk eta LABek garbiketa grebaren jarraipen handia nabarmendu dute

ELA eta LAB sindikatuek, Gipuzkoan garbiketa sektorean aste honetan izan diren bost greba egunen deia egin dutenek, lanuzteen jarraipen "altua" baloratu dute ostiral honetan, baina txikietan izan den eragin eskasa onartu dute.

Bi sindikatuek ohar batean azaldu dutenez, grebaren jarraipena "altua" izan da, "Eibar, Soraluze, Azkoitia, Ordizia, Tolosa, Urnieta, Gabiria, Legazpi eta Lazkao herrietako Udalen menpe dauden eraikinetan, baita Estatu Administrazioaren erakundeetan, besteak beste, INSS, Ogasuna Diruzaintza eta Zerga Agentzia.

Greba Kursaalen, EITB erakunde publikoan, Miramar jauregian, INEn, Haben, Ficoban, babestutako pisuetan, ONVEn, OTA zerbitzuan eta Onkologikoan izan da, Jesuitak, Marianistak, Santa Teresan, Tolosako Jesuitinak, Besaingo Murumendi eta Aspace hezkuntza zentroez gain.

Grebaren eragina "altua" izan da azpikontratatutako enpresa handietan, besteak beste, Ibermatican, Inasmeten, Niessenen, Teknikerren, Ampon, GKNn, Rodisan, Ulman, CAFen, CIEn, Orklin eta Indarren. Urbil, Bretxa eta Carrefour merkataritzako zentroek ere lanuztearekin bat egin dute.

ELAk eta LABek adierazi dutenez, lanuzteen eragina zentrorik txikienetan "besteak beste, portaletan, bulegoetan eta bankuetan" txikiagoa izan da, baina guztira mila pertsonek babestu dute greba lurralde osoan.

Maiatzaren 27an mahai negoziatzailearen bilera bat izango da, bertan "patronalak gogoan hartzea eta sektoreko baldintzak erregulatzeko hitzarmena negoziatzea" espero dute.