Ekonomia -
Protesta
LABeko hainbat kide Adegiren egoitzara sartu dira
Gipuzkoako patronalak lan-hitzarmenak negoziatzeko orduan agertutako "izaera autoritarioa" salatu nahi dute, besteak beste.
Erredakzioa
LAB sindikatuko hainbat militante Adegiren egoitzara sartu dira 10:15 aldera, eta protesta egin dute bertan. "Negoziazio kolektiboa guztiz blokeatuta du Adegik bere jarrerarekin", salatu du sindikatuak ohar batean. Ertzaintzak sartu eta ordubetera atera ditu.
Protesta honekin Adegiren "izaera autoritarioa" salatu nahi du LABek, eta patronalak negoziazio kolektiborako duen "borondate ezaren aurrean" langileon negoziazio koletiborako eskubidea eta hitzarmenen premiazkotasuna aldarrikatu nahi dute protestarekin.
"Adegik negoziazio mahaietan duen gehiengoaz baliatzen ari da negoziazioa bahituta edukitzeko", salatu dute LABeko ordezkariek, egoitzatik atera aurretik.
