Ekonomia -
Erreforma fiskala
Kaleratzeen kalte-ordainengatik zergak ordaindu beharko dituzte PFEZn
PPren gobernuak zergen erreforman markatutako ildoei ez jarraitzeko eskatu die Euskadiko CCOO sindikatuak hiru aldundiei, horretarako eskumenak dituztelako.
Erredakzioa
Zergen erreformarekin kaleratzeen kalte-ordainengatik ordaindu beharko dute herritarrek, zergarik ez ordaintzeko gutxienekoa 5.550 eurora igoko dute (5.151 euro egun) eta Espainian bizi diren kirolariek bertokoek bezala ordaindu beharko dute, gobernuak gaur jakitera eman duenez.
Errentaren gaineko zerga; sozietateen zerga, BEZa eta zergen lege orokorra aldatzeko legeak moldatzeko aurreproiektuak aurkeztu ditu Cristobal Montoro Ogasun ministroak. Aldaketak iragan ostiralean onartu zituen Ministroen Kontseiluak.
Aldaketak argitaratu dituzte gaur Ministerioaren webgunean, herritarrek kontsultatzeko eta oharrak bidaltzeko aukera izan dezaten. Gizarte eragileei aldaketen berri eman die Espainiako gobernuak. Erkidegoei datorren ostegunean azalduko dizkiete, Zerga Politikaren Kontseiluan (CPFF).
Lan egindako urte bakoitzeko 2.000 euroko gutxienekoa ezarri dute kalte-ordainengatik zergarik ordaindu behar ez izateko.
PPren gobernuak zergen erreforman markatutako ildoei ez jarraitzeko eskatu die Euskadiko CCOO sindikatuak hiru aldundiei, horretarako eskumenak dituztelako.
