Ekonomia -
Errusiar betoa elikagaiei
EBk 125 milioiko laguntza iragarri du errusiar betoari aurre egiteko
Mendebaldeko nekazaritza eta elikadura sektoreari kolpe gogorra eman dio Errusiak, Moskuri zigorrak ezarri zizkioten estatuetako elikagai ustelkor guztien inportazioa debekatuta.
Erredakzioa
Europar Batasunak (EB) 125 milioi euroko laguntza iragarri du Errusiak Europako eta AEBko hainbat elikagairi jarritako blokeoa gainditzeko. Gauzak horrela, barazki eta fruta galkorrak erretiratzeko edota banatzeko laguntza eskainiko du EBk, eta kaltetutako nekazari guztiek izango dute laguntza jasotzeko aukera.
Neurria azaro bukaerara arte izango da indarrean, eta tomateei, azenarioei, aza zuriari, azaloreari, perretxikoei, piperrei, pepinoei, sagarrei, udareei, fruitu gorriei, mahatsei eta kiwiei eragingo die.
Elikadura sektoreari kolpe gogorra
Mendebaldeko nekazaritza eta elikadura sektoreari kolpe gogorra eman dio Errusiak; izan ere, Moskuri zigorrak ezarri zizkioten estatuetako elikagai ustelkor guztien inportazioa debekatu du (Espainiakoak, tartean).
AEB, Australia, Kanada, Norvegia eta EBko "txahalkia, txerrikia, barazki eta ortuariak, frutak, arraina, gaztak, esnea eta esnekien inportazioa erabat debekatzea erabaki du Errusiak", Medvedevek iragarri zuenez.
