Ekonomia -

Energia

Euskal kostako itsasoaren hondoan gasa eta petrolioa bilatu nahi dute

Capricorn Spain Limited eta Shell Usptream Spain BV dira hidrokarburoak bilatzeko eskaria aurkeztu duten enpresa multinazionalak.

Euskal kosta. Argazkia: bizkaiacostavasca.com
Euskal kosta.
Euskal kostaldean prospekzioak egiteko baimena eskatu dute

0:45

Erredakzioa

Whatsapp Facebook Twitter Telegram Email

Bi enpresak euskal kostako itsasoaren hondoan hidrokarburoak ote dauden ikertzeko baimena eskatu diote Espainiako Industria Ministerioari, Estatuko Aldizkari Ofizialean agertu denez.

Capricorn Spain Limited eta Shell Usptream Spain BV dira eskaria aurkeztu duten enpresa multinazionalak.

Iragarpen horren ostean, bi hilabeteko epea dago eskari horrek kaltetutakoek alegazioak aurkez ditzaten.

Itsasoaren hondoan hidrokarburoak (gasa eta petrolioa) bilatzeko baimenak emateko eskumena Estatuko Administrazio Orokorrarena da, eta baldintzen artean dago eskaria Estatuko Aldizkari Ofizialean argitaratzea.

Abuztuan, Espainiako Industria Ministerioak petrolioa bilatzeko zundaketak egiteko baimena eman zion Repsoli Kanarietan, eta bertako Gobernuak helegitea jarri zuen erabakiaren kontra.

Hau zure interesekoa bada, baliteke beste gai hauek ere izatea
Euskal Autonomia Erkidegoa albisteak Ekonomia berriak Albisteak Gaur Eguneko albisteak Petrolioa Gasaren krisia Europan