Ekonomia -
Jaurlaritza-sindikatuak
LABek ez du elkarrizketa sozialerako mahaian parte hartuko
Sindikatuaren ustez, Eusko Jaurlaritzak aurkeztutako proposamenean ez dago aukerarik lan-harremanen esparru berri bat eraikitzeko.
Erredakzioa
LAB sindikatuak ez du parte hartuko Eusko Jaurlaritzak patronalarekin eta sindikatuekin osatu nahi duen elkarrizketa sozialerako mahaian, sindikatu abertzaleak jakitera eman duenez.
ELAk ere erabaki berbera hartu zuen, Eusko Jaurlaritzak sustatu dituen politika antisozialen kontrako jarrera gisa.
LABen arabera, Eusko Jaurlaritzak aurkeztutako proposamenean ez dago aukerarik lan-harremanen testuinguru berri bat eraikitzeko.
Sindikatuak prentsa-ohar batean azaldu duenez, Iñugo Urkullu lehendakaria buru duen exekutiboak egindako proposamenak egungo lan-harremanak egonkortzen ditu, langabezia eta prebarikazioa zabalduz, eta lan erreforma gainditzeko planteamendurik gabe.
Era berean, LABek kritikatu du ez dutela "Euskal Herrirako lan esparru propioaren eraikuntza" jorratzeko asmorik.
Ainhoa Etxaideren sindikatuak bilera eskatu dio Enplegu Sailari proposamena aztertzeko eta ez dezan elkarrizketa sozialerako mahaia "gutxiengo sindikalarekin" deitu, "ez baitu inolako onurarik ekarriko langile klasearentzat".
