Ekonomia -
INE
Euskadi da ondasun higiezinen bahiketa baxuena duen erkidegoa
Guztira 156 bahiketa izan dira urteko lehengo hiru hilekoan Euskadin.
AGENTZIAK | ERREDAKZIOA
Urteko lehen hiru hilekoan ondasun higiezinen bahiketa baxuena izan duen autonomia erkidegoa izan da Euskadi. Guztira 156 bahiketa izan dira, 2003 eta 2014 urte artean sinatutako hipoteketan % 0,03.
Espainiako Estatistikako Institutu Nazionalak (INE) gaur eman ditu datu horiek ezagutzera. Zehaztu duenez, 156 bahiketa horien artean, 70 etxebizitzak ziren.
Hipoteka exekutatzeko prozesu gutxien ere Euskadin izan dira 2015 hasieran. % 0,02an kokatu da zifra hori.
Euskadin urteko lehen hiru hilekoan egindako 156 exekuzioek ondorengo higiezinei eragin zien: 70 etxebizitza, 19 landa-finka, 5 orube eta 62 hiri-finka.
Espainiari dagokionez, hipoteka ez ordaintzeagatik bahitutako ondasun higiezinen kopurua % 5,2 jaitsi da urteko lehen hiruhilekoan, 2014ko garai bereko datuekin alderatuta. Urtarrilean, otsailean eta martxoan 30.952 hipoteka exekutatu dira.
Kaleratutako zenbakien arabera, hipoteka exekutatzeko prozesuak % 0,9 hazi diren martxoa bitartean, 2014ko urte amaierako datuekin alderatuta.
Bahitutako ondasun higiezinen artean, 8.802 ohiko etxebizitza ziren; 2014ko epe berean baino % 6,9 gutxiago.
Espainian dauden familia-etxebizitzak aintzat hartuz gero, 18.363.500 etxebizitzatan hasi dute hipoteka exekutatzeko prozesua urteko lehen hiru hilabeteetan.
