Ekonomia -
Gobernuaren kontrolerako saioa
Iberdrola bezalako enpresen blindatzea ezabatu nahi du PSOEk
Iberdrola edo Telefonica bezalako konpainien estatutuen arabera, akziodun bakoitzaren botoak % 10eko muga dauka, akzio kopurua kontuan hartu barik. Muga hori kendu nahi dute orain.
Erredakzioa
Enpresa batzuek boto-eskubidean dituzten murrizketak kendu nahi ditu PSOEk. Gobernuaren kontrolerako saioan bozkatuko dute talde sozialistaren proposamena eta neurriak Iberdrola, Telefonica edo Repsol bezalako konpainietan eragingo du.
Ekonomia Batzordean eztabaidatuko dute proposamena, baina ondoren ez da zertan Kongresuko bilkurara eraman beharko berriro.
Orain arte, arestian aipatu bezalako enpresen estatutuetan zehazten denez, akziodun bakoitzak edo talde bereko elkarteek mugatuta dute eman dezaketen boto kopurua. Zehazki, akziodun bakoitzaren botoak % 10eko muga dauka eta muga hori izan daiteke gainditu akzio kopuruaren tamaina dena delakoa izan arren.