Erradiologiako Kongresuak 3,4 milioi euro utziko ditu Bilbon

Espainiako Erradiologia Medikoaren Batzarra izango da Bilbon asteazkenetik aurrera. Biltzarrak 3,4 milioi euro utziko ditu hirian, eta 20 hotel inguru beteko ditu.

Euskalduna Jauregiak prentsa-ohar baten bidez jakinarazi duenez, kongresuak bost egun iraungo du (Bilbon aurten antolatuko diren kongresuen artean egun gehien iraungo duena izango da, beraz), eta kongresu-jauregi osoa beteko du.

Ekitaldiak 2.000 espezialista baino gehiago bilduko ditu. Gainera, 600 txosten eta hitzaldi, 1.800 poster eta kartel informatibo eta 40 erakusmahai inguru izango dira bertan.