Burtsek gorakadekin ospatu dute banketxei egindako testaren emaitza

Espainiako burtsak irabaziak baretu ditu hasieran gorakadarako joera nabarmena izan ondoren. Ibex-35 adierazle nagusiak %0,43 berreskuratu du eta 10.400 puntuak gainditu ditu ostiralean europar banketxetako kaudimen proben emaitzak ezagutu ondoren.

09:15ak aldera, selektibo espainiarrak 42,60 puntu irabazi ditu, hau da, %0,40, eta 10.433,20ko markari heldu dio. Bitartean, Madrilgo Burtsaren indize orokorrak %0,81 egin du aurrera eta 1.074,26 unitateetara iritsi da.

Europako gainontzeko merkatuek ere gora egin dute ireki eta berehala. Londresek %42 egin du gora, Parisek %0,41 eta Frankfurtek %0,27.

Europako 20 herrialdeetan aztertutako 91 banketxeetatik, horitariko 27 espainiarrak, zazpik bakarrik ez zuten gainditu ostiraleko testa: banketxe alemaniar bat, greziar bat eta Espainiako aurrezki kutxen lau bategite eta Cajasurrek, hain zuzen. Ikertzaileen arabera, hauek ez dute beharrezko kaudimen maila ematen krisi ekonomiko eta zorren testuinguruetan.