Ekonomia -

Krisia

Edesako langileek uste dute CNAk enpresa ixteko asmoa duela

"Susmoa dugu eta oso ziur gaude partida beste zelai batean jokatzen ari dela eta ez digutela ezertaz informatu", adierazi dute.

Fagor
Fagor
Fagor CNAko langileek informazio eza salatu eta mobiliazioak deitu dituzte

1:24

agentziak | erredakzioa

Whatsapp Facebook Twitter Telegram Email

Edesa Industrialeko langileek eta ELA eta LAB sindikatuek uste dute enpresa “ixteko zorian” egon litekeela, nahiz eta zuzendaritzak "beste gauza bat" esan. Hori dela eta, CNA taldeak "esku artean" duen "negozio plan berriaz" informazioa eskatu dute.

Langile talde batek eta sindikatuetako ordezkariek prentsaurrekoa eman dute gaur Garagartzako lantegian, Arrasaten.

Ez dute baztertzen CNA taldea, Eskoriatzako, Arrasateko, eta Basauriko lantegiak eskuratu zituena, harremanetan edo negoziazioetan izatea zorra kitatzeko helburuarekin.

Uste dute "zerbait dagoela atzean", garbiketa alorreko 30 langile kaleratzeko txostena aurkeztu dutelako urrira arteko suspentsio txostena dagoen bitartean.

"Susmoa dugu eta oso ziur gaude partida beste zelai batean jokatzen ari dela eta ez digutela ezertaz informatu", azpimarratu dute Aitor Goenaga (ELA) eta Xabier Llodiok.

Horregatik, "enpresaren benetako egoeraz informazio guztia" emateko exijitu dute, bideragarritasunean sinesten jarraitzen baitute: "Erabaki askok uzten dute agerian zuzendaritzak bizkarra eman diola hasierako proiektuari eta dagoeneko amaitu zaie sinesgarritasuna".

Eusko Jaurlaritza "zuzenean inplikatzea" eskatu dute, eta berretsi, ez dutela ulertzen "enpresaren joerari buruzko mezu positiboak zabaldu izana" langile batzordeak egoeraren berri ematen zion arren.

Hau zure interesekoa bada, baliteke beste gai hauek ere izatea
Krisi ekonomikoa Espainia Basauriko albisteak Eusko Langileen Alkartasuna albisteak LAB albisteak Arrasate argazkiak Ekonomia albisteak Eguneko albisteak Eskoriatza azken ordukoa Debagoiena eskualdea