Ekonomia -
Hirugarren hiruhilekoan
Langabeziak behera egin du Euskadin; Nafarroan, berriz, % 12,8 igo da
Aurreko hiruhiloarekin alderatuta, Euskadi da langabeziak behera egin duen erkidego bakarra, % 9,98an geratuta. Estatu osoan, langabeen kopuruak behera egin du % 19,79an geratu arte.
Erredakzioa
Hirugarren hiruhilekoan 5.500 langabetu gutxiago daude Euskadin aurreko hiru hilabeteekin alderatuta (% 5,5 gutxiago) . Ondorioz, eta Biztanleri Aktiboaren Inkestaren arabera, langabezi tasa % 9,98an dago, Estatuko baxuena.
Iazko epe berdinarekin konparatuta, 16.500 langabetu gutxiago daude (% 13,65 jaitsita). Hirugarren hiruhilekoa amaituta, Euskadin 104.300 pertsona langabezian daude.
Nafarroari dagokionez, langabezia % 12,81 igo da, Estatu mailan langabezia gehien handitu den laugarren erkidegoa da Errioxaren (% 16,32), Murtziaren (% 13,47) eta Andaluziaren (% 2,31) ostean.
Langabeziak behera egin du Estatuan
Azken hiru hilabeteetan langabezia 70.800 pertsonetan jaitsi da 4.574.700etan geratuta. Honen ondorioz,eta Estatistikako Institutu Nazionalak egindako Biztanleria Aktiboaren Inkestaren (BAI) arabera, langabezi tasa % 19,79koan dago.
Uztaila eta iraila artean, lanean zeudenen kopurua 69.900 pertsonatan igo da, 2007 urtetik gora egin duen bigarren hiruhilekoa da azken hau, lana daukatenen kopurua 18.546.800 pertsonetara helduz.
