Ekonomia -
Lan-gatazka, Bizkaian
Thyssenkruppek Alonsotegiko lantegia itxi du sabotajeak direla eta
Urriaren 22tik, Alonsotegiko udaletxean itxialdia egiten dago enpresa-batzordea konpainiak aurkeztutako lan-espedientea salatzeko.
Erredakzioa
Thyssenkrupp Bilstein enpresak Alonsotegiko fabrika itxi du "segurtasuna arrazoiak" argudiatuta, azken "sabotaje larriak" direla eta.
Azken 24 ordutan enpresan bi sute izan direla eta suhiltzaileak deitu behar izan dituztela salatu du Zuzendaritzak ohar batean.
"Egoeraren larritasuna eta bertan ditugun gasolio eta gas estazioek eragin lezaketen arriskua dela eta, enpresak fabrika ixteko erabakia hartu dute", gaineratu du konpainiak.
Thyssenkrupp Bilstein enpresak Bizkaiko fabrika ixteko asmoa zuela jakinarazi zuen ekainean eta handik gutxira, 120 langileen aurkako lan-erregulazioko txostena aurkeztu zuen. Konpainiak automozio arloan erabiltzen diren malgukiak eta barra egonkortzaileak fabrikatzen ditu.
Urriaren 22tik, enpresa-batzordea Alonsotegiko udaletxean itxialdia egiten dago konpainiak aurkeztutako lan-espedientea salatzeko.
