Ekonomia -

Zorroztasun-greba amaitu da

Gasteizko udaltzainek Udalaren azken proposamena onartu dute

Gorka Urtaranen Gobernuak lan baldintzak hobetzeko egindako azken eskaintza onartu dute agenteen % 65ek, eta lau hilabeteko gatazkari azkena eman diote horrela.

Gasteizko bi udaltzain. ETBko bideo batetik ateratako argazkia
Gasteizko bi udaltzain. ETB
Gasteizko bi udaltzain. ETBko bideo batetik ateratako argazkia

Agentziak | Erredakzioa

Whatsapp Facebook Twitter Telegram Email

Gasteizko Udaltzaingoak, gehiengoaren (% 65,5) aldeko botoekin, onartu egin du udal gobernuak lan baldintzak hobetzeko egindako azken proposamena. Hala, bertan behera geratuko da urriaren 25etik agenteak egiten ari ziren zorroztasun-greba.

Gasteizko Udaleko Langileen Batzordeak ohar baten bidez jakinarazi duenez, 250 agentek (% 68,11) parte hartu dute bozketan: 164k (% 65,5) alde eta 77k (% 30,8) kontra bozkatu dute, eta zortzi boto zuri eta baliogabe bat egon dira.

Aurretik ere egin du Urtaranen Gobernuak lan baldintzak hobetzeko proposamenik, baina aurrekoa baztertu egin zuten langileek. Duela gutxi, baina, "ultimatuma" eman zien alkateak udaltzainei, eta greba amaitu ezean "neurri sendoak" hartuko zituela iragarri zuen.

Hobekuntzak

Urriaren 25ean ekin zioten agente askok udal ordenantzak zorrotz betetzeari, lan baldintzetan hobekuntzak eskatzeko presio neurri gisa.

Onartutako proposamenaren arabera, urteko 1.080 euroko soldata igoera eta "egun gorri" gutxiago (zerbitzuaren beharrengatik agenteek ezin dituzte egun horietan baimenik eskatu) izango dituzte udaltzainek.

Hau zure interesekoa bada, baliteke beste gai hauek ere izatea
Gasteizko Udala Gorka Urtaran albisteak Gorka Urtaran, Arabako Foru diputatua Grebak gaur Ekonomia 2024 Gasteiz albisteak Eguneko albisteak