Mugimendu errepikakorrengatik izandako lesioak lan gaixotasun gisa onartu dituzte

Bizkaiko Gizarte Segurantzak laneko gaixotasun gisa onartu ditu urdaitegi sektoreko langile batek bere lanari lotutako mugimendu errepikakorrengatik sorbaldan izan dituen lesioak.

Kaltetutako langileak kexa bat aurkeztu zion Gizarte Segurantzari, eskuineko sorbaldan zituen lesioak bere lanpostuari lotutako mugimendu errepikakorrek eta posturek eragindakoak zirela argudiatuz. Gaineratu duenez, "min handia" pairatu zuen.

Lehen aldian, langilea artatu zuen mutuak "gaixotasun arrunta" zela ebatzi zuen, UGT Euskadik ohar bidez jakinarazi duenez.

UGTren esanetan, "mugimendu errepikakorrak arazo ohikoak izan ohi dira goiko gorputz adarretan, eta aldikakoak edo iraunkorrak diren lesioak eragin ditzakete gihar, nerbio, lotailu edo tendoietan". Sindikatuak azpimarratu duenez, elikagaien, oinetakoen eta automozio sektoreko langileei eragiten die batez ere.