Ekonomia -
Elkarrizketa ETBn
EA berezko hauteskunde zerrendak prestatzen ari dela esan du Urizarrek
Nolanahi ere, EAko idazkari nagusiak gaineratu du "ilusioa piztuko lukeen hauteskunde-talde bat" osatzeko aukerarik egongo balitz, EA proiektu horri "ekarpenak" egiteko prest egongo litzatekeela.
Erredakzioa
Pello Urizar EAko idazkari nagusiak ukatu egin du ezker abertzalearekin batera hauteskunde zerrena bateratuak egiten ari direla, eta, are gehiago, EA berezkoak prestatzen ari dela ziurtatu du.
Nolanahi ere, ETB-2ko "Egun on Euskadi" saioan egindako elkarrizketan, Urizarrek gaineratu du "ilusioa piztuko lukeen hauteskunde-talde bat" osatzeko aukerarik egongo balitz, EA proiektu horri "ekarpenak" egiteko prest egongo litzatekeela. Oraingoz, baina, balizko proiektu hori ez dela "erreala" zehaztu du.
Buruzagi abertzaleak berretsi nahi izan du EA bere zerrendak prestatzen ari dela, eta ezker abertzalearekin duen konpromisoa "akordio estrategikoa" dela Europan euskal Estatu bat sortzeko bidean.
Urizar ziur agertu da Batasuna ohiaren asmoekin, eta bide politikoen alde abiatutako bidea "irmoa eta atzeraezina" dela.
