580 pertsonak eta enpresak 270,7 milioi euro zor dizkiote Nafarroako Ogasunari

580 pertsonak eta enpresak 270,7 milioi euro zor zituzten 2017ko abenduaren 31n Nafarroako erkidegoan, Nafarroako Ogasunak astearte honetan zordunen zerrendaren harira jakitera eman duenez.

Gehienbat, zorrek BEZaren eta atxikipen fiskalen ordainketarekin zerikusia dute, enpresa ekimen profesionalak jarduten dituzten pertsonak eta enpresak baitira gehienak.

Zordunen % 42,8 higiezinen eta eraikuntzaren sektoretik datoz eta 133,5 milioi euro baino gehiago zor dituzte, hau da, zor osoaren % 49,4.

Atzetik, ostalaritzak 15,5 milioi euro zor ditu; zerbitzu profesionalek, 16,4 milioi; garraio eta ibilgailuen sektoreak, 14,6 milioi; eta elikagaien eta produktuen banaketa sektoreak, 14,5 milioi.

Bestalde, zordunen artean, 126 pertsona fisikoak dira eta 454 pertsona juridikoak. Gainera, zordunen % 13,6 hartzekodunen konkurtsoan daude.