Ekonomia -
Justizia
Alemaniako Poliziak atxilotu egin du Audi konpainiako presidentea
Joan den astean Alemaniako justiziak 1.000 milioi euroko isuna jarri zion Volkswageneko diesel motorren gas isurketa manipulatu izana egotzita.
Agentziak | Erredakzioa
Alemaniako Poliziak Rupert Stadler Audi ibilgailu-enpresako presidentea atxilotu du, Volkswagenek jakitera eman duenez. Atxiloketa behin-behinekoa izango dela zehaztu dute iturriok.
Joan den astean Braunschweigeko Fiskaltzak 1.000 milioi euroko isuna jarri zion Stadlerri Volkswageneko diesel motorren gas isurketa manipulatu izana egotzita. Stadlerrek isuna onartu eta horren aurkako helegiterik ez duela jarriko iragarri zuen.
Alemaniako justiziaren arabera, 2007 eta 2015 bitartean arauak hautsi zituen Volkswagenek, eta AEBn eta Kanadan saldutako 10,7 milioi ibilgailuri legez kontrako softwarea jarri zien.