Ekonomia -
Osakidetzaren oposaketak
Azterketen ustezko filtrazioari buruzko ikerketa amaitu du Osakidetzak
Jon Darpon Osasun sailburuak agerraldia egingo du hilaren 19an Legebiltzarrean, ikerketaren ondorioak publiko egiteko.
EITB.EUS
Osakidetzako zuzendaritzak amaitu du jada azkeneko lan-eskaintza publikoan azterketak filtratu ziren ala ez argitzeko abiarazi zuen ikerketa, Euskadi Irratiak jakitera eman duenez.
Ikerketaren emaitzak, baina, ez dituzte hilaren 19a arte ezagutaraziko. Egun horretan Jon Darpon Osasun sailburuak agerraldia egingo du Legebiltzarrean, ikerketaren xehetasunen berri emateko.
Hala jakinarazi die gaur Juan Carlos Soto Osakidetzako Giza Baliabideetako zuzendariak sindikatuei Mahai Sektorialaren bileran. Sindikatuek informazio hori lehenago izatea eskatu dute.
