Ekonomia -
Hilero 3,2 euro gehiago
Sebastián: 'Argindarra kafe batek balio duena garestituko da hilean'
Sebastianen hitzetan, argindarra garestitzea "beharrezkoa" zen eta "erantzukizunagatik" egin dute. Bestalde, 2013 bitartean Gobernuak ez du argindarraren murrizketa gehiago aurreikusten.
Erredakzioa
Argindarraren Azken Errekurtsoko Tarifa % 9,8 garestitzea beharrezkotzat eta erantzukizuntzat jo du Miguel Sebastian Industria, Turismo eta Komertzio ministroak; ildo horretan, "garestitze horiek ez errepikatzeko" Gobernua lanean ari dela esan du.
Sebastianen hitzetan, argindarra kafe batek balio duena garestituko da hilean lagun bakoitzeko; hazkunde hori, 1,7 eurokoa izango dela zehaztu du ministroak. Hori horrela, etxe bakoitzak 3,2 euro gehiago ordainduko ditu hilean.
Garestitzearen arrazoietako bat eskariaren beherakada eta krisia izan da; izan ere, "azpiegituren aleko kostuek gora egin dute".
Sebastianen hitzetan, igoera "beharrezkoa" zen petrolioaren garestitzeari eta tarifen defizitari aurre egiteko; izan ere, azken horrek argindarreko sistemaren "ezegonkortasuna" eragiten zuen.
Horrez gain, ikatzeko errege lege dekretuaren kostua aipatu du, hori baita "urtarrileko % 3ko igoeraren eragilea".
Martxoko azterketa
Bestalde, martxoko prezioen azterketan Gobernuak tarifa mantentzen saiatuko dela azaldu du ministroak.
