Ekonomia -
Erreakzio alergikoa
Liztorren eztenkadek langile bat konorterik gabe utzi dute Santsolen
Gertakaria 10:00ak aldera jazo da. 55 urteko gizona Lizarrako Garcia Orkoien ospitalera eraman dute anbulantzian.
Agentziak | Erredakzioa
55 urteko gizon bat konorterik gabe erreskatatu dute suhiltzaileek. Antza denez, teilatua konpontzen ari zen, eta liztorrek eraso egin diote.
Nafarroako gobernuko iturriek baieztatu dutenez, gertakaria 10:00ak aldera jazo da Santsolen. Lizarrako suhiltzaileak bertaratu dira.
Suhiltzaileek gizona konorterik gabe topatu dute teilatuan. Dirudienez, liztorren eztenkadek erreakzio alergikoa eragin diote. Lizarrako Garcia Orkoien ospitalera eraman dute anbulantzian.