Ekonomia -
EINen datuak
Inflazioak % 3an amaitu du urtea, abenduan sei hamarren igota
Prezioen hileko bilakaerari dagokionez, erregaiak eta tabakoa alde batera utzita, gorakada handiena izan duen taldea aisia eta kulturarena izan da, % 1,3ko igoerarekin.
Erredakzioa
Inflazioak gora egin zuen abenduan, aurreko hilabetearekin alderatuta sei hamarren hazi da eta urtea % 3an amaitu du, 2008ko urritik izandako altuena, erregaien eta tabakoaren igoerak bultzatuta.
Estatistikako Institutu Nazionalak (EIN) jakitera emandako datuen arabera, azpian dagoen inflazioak, energiaren eta elikagaien prezioen bilakaera kontuan hartzen ez duenak, hiru hamarren igo da abenduan eta % 1,5ean geratu da.
Prezioen hileko bilakaerari dagokionez, erregaiak eta tabakoa alde batera utzita, gorakada handiena izan duen taldea aisia eta kulturarena izan da, % 1,3ko igoerarekin, batez ere antolatutako bidaiek bultzatuta. Behera egin duen talde bakarra arropa eta oinetakoena izan da, beherapenen eraginez % 1,2 jaitsita.
