Lehendakaria nazioarteko energiaren goi-bileran da Abu Dhabin

Patxi Lopez lehendakaria nazioarteko energiaren goi-bileraren inaugurazioan izan da Abu Dhabin. Ban Ki Moon Nazio Batuen idazkari nagusiak hasiera eman dio goi-bilerari.

Patxi Lopez ministroen talde baten batzarrean izango da arratsaldean eta isuri kutsagarriak eta energia berriztagarrien iturriak ustiatzeko moduak aztertuko dituzte.

Lehendakaria euskal erakunde eta enpresen ordezkaritza batekin Arabiar Emirerri Batuetan eta Qatarren dago ostiraletik eta ostegunean, hilak 20, bueltatuko dira Euskadira. Herrialde horietako gobernuen arduradunekin goi-bilerak egiteko bisitan daude Golko Persikoan.