Espainiako Bankua: 'Finantza sistemaren Berrindartzea ezinbestekoa da'

Espainiako Gobernuak onartutako Finantza-sistemaren Berrindartze Egitasmoa "ezinbestekoa" dela esan du Miguel Angel Fernandez Ordoñez Espainiako Bankuko gobernadoreak. Espainiako bankuekiko mesfidantza saihesteko tresna egokia izan daitekeela uste du Fernandezek. Dekretu hau onartu izan ez balitz, kreditu jaitsiera "oso garrantzitsuak" egoteko arriskua legoke, bere hitzetan.

Espainiako entitateetan onartutako berregituratzeko prozesua baloratu egin du Espainiako Bankuko gobernadoreak, baina "oraindik egiteko asko falta" dela nabarmendu du.