Ekonomia -

Nafarroa

Volkswagenek ez du ibilgailu elektrikorik egingo datozen urteotan Landabenen

Ibilgailu elektrikoen ekoizpen sistema handitzen joango dela esan du konpainiak; baina, oraingoz, modelo elektrikoak ez dira Nafarroako instalazioetan egingo.

Volkswagenen instalazioak Nafarroan. ETBren bideo batetik ateratako argazkia
Volkswagenen instalazioak Nafarroan
Volkswagenen instalazioak Nafarroan. ETBren bideo batetik ateratako argazkia

Agentziak | Erredakzioa

Whatsapp Facebook Twitter Telegram Email

Jürgen Stackmann Volkswageneko Salmentak eta Marketing arduradunaren hitzetan, datozen hiru edo lau urteotan ez dute modelo elektrikorik egingo Nafarroako Landaben lantokian.

Horrenbestez, konpainiaren elektrifikazioa ez da Nafarroara helduko, oraingoz; bai, ordea, Zwickau, Emden eta Hannoverren dituzten lantokietara.

Stackmannen arabera, Landaben "buru-belarri" dabil Polo eta T-Cross modeloen ekoizpenarekin. 2030erako Volkswagenen salmenten % 40 ibilgailu elektrikoei egokitzea, eta hortaz, ekoizpen elektrikoa suspertzea espero dutela esan du Stackmannek.

Horren harira, Herbert Diess Volkswagen taldeko kontseilari delegatuak azaldu duenez, ibilgailu elektrikoen ekoizpena "noizbait" helduko da Landaben eta Martorelleko (Bartzelona) lantokietara.

Hau zure interesekoa bada, baliteke beste gai hauek ere izatea
Nafarroa Ekonomia Eguneko albisteak Albisteak Volkswagen Ingurumena Elektrizitatea azken ordukoa Energia berriztagarriak Automobilgintza Euskadin eta Nafarroan Energia gaur Kutsadura